Avokati Idajet Beqiri kërkoi reagim nga KLGJ dhe KLP për sulmet e kreut të PD, Sali Berisha ndaj drejtuesit të SPAK, Altin Dumani dhe gjyqtares Irena Gjoka.
Në një intervistë për “Ora e Fundit” në ABC News, Beqiri u shpreh se KLGJ duhet të ngrinte në këmbë sistemin e drejtësisë, lidhur me deklaratat e Berishës.
“Nëse Irena Gjoka nuk do kishte marrë masën e sigurisë ndaj teje, a do fliste ndaj saj? Ajo bëri detyrën dhe ti iu vërsule dhe nuk le gjë pa bërë ndaj saj. KLGJ ka 190 punonjës. KLP ka 90 punonjës. Rrogat e tyre janë marramandëse. Ata janë atje, një fjalë thotë kryeministri për gjyqtarin dhe KLGJ, reagoi menjëherë. Na lini në pavarësinë tonë. Po kundër këtij kryebanditi? KLGJ duhet të jepte alarmin sot kur dëgjoi atë deklaratë, por duhet të ngrinte në këmbë sistemin e drejtësisë.”, theksoi ai.
