Partia Demokratike është rikthyer edhe një herë tek protesta e dhunshme e thirrur nga Sali Berisha kundër Lulzim Bashës.
Në një deklaratë për mediat, PD thekson se sulmi ndaj selisë erdhi nga persona të inkriminuar. Mes të tjerash PD thekson se demokratët e kanë braktisur Berishën.
“Çdo ditë po bëhet më e qartë se sulmi kundër Partisë Demokratike nga individë me rekorde kriminale dhe pa asnjë lidhje me demokratët, e urdhëruar, e organizuar dhe e nxitur nga Sali Berisha për interesat e tij personale. Berisha nuk është më pjesë e Partisë Demokratike sepse u braktis nga shumica dërrmuese e demokratëve në përpjekjen e tij kriminale për të shkaktuar gjakderdhje mes tyre. Demokratët refuzuan dhunën dhe zgjodhën të ardhmen!” thekson PD.
/b.h
