Të paktën 11 ushtarë rusë mbetën të vrarë dhe 15 të tjerë mbetën të plagosur, pasi dy burra qëlluan me armë një grup ushtarësh rusë në një poligon ushtarak në Belgorod.
Ministria e Mbrojtjes e cilësoi incidentin një “sulm terrorist”.
“Gjatë një sesioni trajnimi për armë zjarri me individë që shprehën vullnetarisht dëshirën për të marrë pjesë në (luftë), terroristët hapën zjarr me armë të vogla mbi personelin e njësisë,” thuhet në deklaratën e ministrisë së mbrojtjes.
Oleksiy Arestovych, një këshilltar i presidentit ukrainas Volodymyr Zelenskyy, tha se sulmuesit ishin nga kombi i Azisë Qendrore të Taxhikistanit dhe kishin hapur zjarr ndaj të tjerëve pas një debati për fenë.
Taxhikistani është një komb me mbizotërim mysliman, ndërsa shumica e rusëve që jetojnë në pjesët perëndimore të vendit, përfshirë Moskën, janë ortodoksë.
Disa media të pavarura ruse raportuan se numri i viktimave ishte më i lartë se shifrat zyrtare.
“Një ngjarje e tmerrshme ndodhi në territorin tonë, në territorin e një prej njësive ushtarake,” tha guvernatori i rajonit të Belgorodit, Vyacheslav Gladkov, raporton Euronews.
