Të paktën 34 persona u vranë sot në një sulm me bombë që kishte si objektiv një treg në Bagdad, sipas një bilanci paraprak të burimeve mjekësore dhe të sigurisë.
“Shpërthimi i një autoveture me eksploziv pranë një tregu të lagjes shiite Sadr City, në veri të kryeqytetit shkaktoi të paktën 54 të plagosur”, referuar këtij bilanci.
Sulmi i regjistruar rreth orës 10:00 (07:00 GMT) nuk ka ende një autor për momentin. Sulme të ngjashme të shënuara së fundmi janë marrë përsipër nga grupi xhihadist i Shtetit Islamik (ISIS) i cili u shfaq në 2014 duke zaptuar zona të shumta në territorin irakian.
Organizata ultraradikale sunite ka ndërmarrë disa sulme tragjike javët e fundit në Bagdadin e madh. Por ka humbur terren kundrejt avancimit të forcave irakiane, të mbështetura nga koalicioni ndërkombëtar nën drejtimin amerikan. (javanews.al / a.r)
