Disa media online kanë rënë pre e një sulmi pasditen e kësaj të shtune.
Bëhet fjalë për një sulm kibernetik i llojit DDOS.
Së paku dy portale raportojne se serverët e tyre kanë rënë. Bëhet fjalë për Shqiptarja.com dhe Report-tv.al.
“Sulmi nisi pak minuta pas orës 18.00 dhe vazhdon edhe tani. Sistemet e sigurisë të vendosura në mbrojtje të serverave izoluan dy uebsitet tona herën e parë deri në 18.56 dhe më pas, për shkak të sulmit që vazhdonte, planifikuan një ndërprerje të re” – thuhet në një sqarim për lexuesit.
Ndërkohë pritet një verifikim më konkret edhe nga institucionet.
