Një sulm kibernetik ka goditur sot bankat dhe ndërmarrjet ukrainase, njoftoi Banka Qendrore e Ukrainës në një komunikatë.
“Banka Kombëtare e Ukrainës ka sinjalizuar bankat dhe agjentët e tjerë të tregut financiar për një sulm informatik të jashtëm kryer sot kundër faqeve të bankave ukrainase dhe ndërmarrjeve publike dhe tregtare”, sipas kësaj komunikate.
Për shkak të këtij sulmi, pasagjerët e metrosë së Kievit nuk mund të paguanin me kartë bankare dhe bankat ukrainase ndërprenë disa shërbime për klientët e tyre.
“Pas këtyre sulmeve, bankat po hasin vështirësi për kryerjen e operacioneve bankare”, shtoi Banka Qendrore ukrainase (NBU).
“Të gjithë pjesëmarrësit e tregut financiar kanë marrë masa për riforcimin e sigurisë së tyre dhe për parandalimin e këtyre sulmeve kibernetike”, shtoi NBU
a.ç
