Sulm i fuqishëm i hakersave ndaj faqes së presidencës ruse
Hakerët kanë sulmuar “shumë fuqishëm” faqen në internet të presidencës së Rusisë më 13 shtator. Lajmin e ka konfirmuar qeveria e Rusisë nëpërmjet zëdhënësit të Kremlinit, Dmitry Peskov, i cili e ka ndërlidhur sulmin me zgjedhjet rajonale në Rusi, që u mbajtën gjatë fundjavës, dhe në të cilat opozita ishte përpjekur t’i sfidonte politikanët e ndërlidhur me qeverinë, në vetëm një rajon, ku ishte lejuar të garoj. “Të dielën është kryer një sulm shumë i fuqishëm simultan në faqen e presidentit të Rusisë”, tha Peskov.
Më tutje, ai ka theksuar se nuk ka informacione se kush ka mundur ta kryej këtë sulm, që për një kohë të shkurtër ka shkaktuar mbylljen e faqes.
