Sula dënon sulmin ndaj prokurorit të SPAK: Akt i urryer kriminal! Autori të marrë dënimin maksimal

Deputeti i PD-së, Dashnor Sula, ka reaguar në lidhje me deklaratën e kreut të SPAK, Altin Dumani, për një prokuror të kërcënuar nga krimi i organizuar.

Sula e dënoi ashpër sulmin, teksa në një postim në Facebook, ka shkruar më tej se SPAK është një nga institucionet që ka besimin më të lartë të qytetarëve.

“Dënoj kërcënimin që i është bërë prokurorit të SPAK nga krimi i organizuar.Nga mediat u informova se kreu i SPAK, Z. Dumani paska deklaruar se një nga prokurorët e Prokurorisë së Posaçme ëhstë kërcënuar nga krimi i organizuar.
Solidarizohem me cilindo që është kërcënuar dhe dënoj me ashpërsinë më të madhe këtë akt të rëndë e kriminal dhe inkurajoj që autori të vendoset para drejtësisë duke marrë ndëshkimin maksimal. Dua të kujtoj se sipas sondazheve të ndryshme që janë bërë, SPAK është nga institucionet që ka besimin më të lartë të qytetarëve, mbi 80% të tyre, ndaj kushdo duhet të dijë se kush është kundër spak është përball 80% të qytetarëve shqiptarë. Askush nuk duhet as ta mendojë e jo më të marrë një akt të tillë që të ngrej dorën, zërin ndaj SPAK, Policisë dhe institucioneve garantuese të ligjit dhe rendit normal. Si një ish-koleg i tyre dua ti mbështes dhe ti inkurajoj në punën e tyre për ti dhënë qytetarëve një shoqëri, një realitet që politika ka dështuar tua ofrojë”, shkruan ai.