Tirana bën Tiranën në Gjeorgji përballë Dinamo Batumit duke fituar dhe bindur në lojë. 2-1 dhe kualifikimi në “xhep” për bardheblutë që ndeshjen e parë kishin barazuar 1-1.
Heroi i kësaj arritjeje është padyshim Regi Lushkja që e nisi ndeshjen aty ku e la një javë më parë në “Arenën Kombëtare”, me një gol tjetër që rezultoi shuplakë e rëndë për skuadrën gjeorgjiane.
Goli i minutës së 28 nga mesfushori kurbinas e bëri më të lehtë misionin për djemtë e Orges Shehit i cili kishte bërë zgjedhjet e duhura dhe korri frytet e punës së madhe që ka bërë gjatë muajit të fundit me skuadrën e cila duket edhe në formë të mirë fizike.
Me kalimin e minutave Tirana nuk lëshoi terren dhe në pjesën e dytë praktikën kualifikim e hipotekoi Ardit Deliu me golin e dytë edhe pse Kapanadze shkurtoi shifrat në kohën shtesë.
Sukses i rëndësishëm që hipotekon kualifikimin dhe vetëm pas një jave në Stamboll ku do të sfidojë gjigandët turq të Besiktas./m.j
