Xhevahir Sukaj do të mbetet te Partizani deri në fund të kampionatit, duke hedhur poshtë zërat që e çonin në Australi. Në shtypin australian kanë dalë njoftime se Sydney i ka ofruar sulmuesit shkodran të të kuqve 900 mijë euro për tre sezone, por Sukaj thotë se janë vetëm fjalë.
Sulmuesi i ka siguruar të gjithë tifozët e kuq se do të vazhdojë të jetë pjesë e klubit përgjatë gjithë sezonit si dhe shpreson që të jetë vendimtar për arritjen e objektivave.
Në shtatë javët e para të kampionatit, Sukaj ka shënuar në çdo ndeshje.
Aktualisht, Partizani kryeson bashklë me Skënderbeun, me nga 19 pikë, ndërkohë që të dielën do të jetë përballja direkt në stadiumin “Qemal Stafa”.
