Racizmi mendohet të ketë qenë shkaku apo motivi që bëri 21 vjeccarin suedez, që të sulmonte e të vriste me një shpatë dy persona, në shkollën fillore të qytetit Trollhattan, ditën e djeshme.
Shefi i policisë Niclas Hallgren tha se dyshimet për motive raciste bazohen pas kontrollit që është bërë në shtëpinë e 21 vjeccarit të cilit identiteti nuk i është bërë ende publik. Media suedeze shkruan se djaloshi ishte një simpatizant i ekstremit të djathtë si dhe se urrente islamin dhe emigrantët.
I armatosur me një shpatë, helmetë dhe maskë, i riu sulmoi një shkollë fillore në Trollhattan, ku Një mësues dhe një nxënes 17 vjeç mbetën të vrarë nga sulmi, ndërsa një 15-vjeçar dhe një tjetër mësues ndodhen në gjendje të rëndë në spital.
Para sulmit autori është parë të pozojë në fotografi me nxënësit, që besonin se veshja e tij ishte për Halloween.
