Pesëmbëdhjetë vende të BE-së, përfshirë edhe Hong Kongu-n dhe Zvicrën, kanë marrë vezë të kontaminuara me insekticid fipronil, thotë Komisioni Evropian.
Vezët e kontaminuara janë shpërndarë në Suedi, Francë, Britani, Austri, Irlandë, Itali, Luksenburg, Poloni, Sllovaki, Slloveni dhe Danimarkë.
Të ndodhur përballë një situate të tillë, shqetësimi i konsumatorëve po rritet vazhdimisht mbi rreziqet e mundshme shëndetësore. Ekspertët thonë se shëndeti ynë rrezikohet realisht vetëm nëse konsumojmë shumë vezë të kontaminuara me këtë lloj insekticidi.
ÇFARË ËSHTË FIPRONIL
Fipronili është një insekticid, i cili përdoret për mbrojtjen e bimëve dhe në veterinari kundër pleshtave të bimëve, morrave dhe merimangave. Në shpendët që përdoren për ushqim, fipronili nuk duhet të përdoret, psh tek pulat ai është i ndaluar. Vlerat e fipronilit në vezët e prekura nuk janë veçanërisht të larta dhe për këtë arsye nuk janë të rrezikshme për të rriturit. Megjithatë autoritet dhe ekspertët këshillojnë që fëmijët të mos hanë vezë të ndotura, shkruan javanews.al
PËR ÇFARË PËRDORET
Fipronil përdoret si insekticid aktiv tek shpendet, kafshet apo bimet, në një përqendrim prej rreth 9.8 për qind. Sidoqoftë, ajo është kategorikisht e ndaluar në trajtimin anti-pleshtave të kafshëve për konsum njerëzor, pasi është e rrezikshme për mëlçinë, veshkën dhe tiroidin
SIMPTOMAT NË RAST HELMIMI
Ekspertët thonë se personat e helmuar me këtë pesticid shfaqin shenja klinike si të përziera, të vjella, marrje mendsh dhe simptoma epileptike
15 VENDE TË BE REZULTOJN TË PREKUR
Komisioneri Europian për sigurinë e ushqimeve u ka bërë thirrje vendeve të BE-së që të ndalojnë së fajësuari njëra-tjetrën për skandalin e vezëve të kontaminuara.
Komisioni Europian pritet të mbajë një mbledhje më 26 shtatorë në lidhje me këtë çështje.
Analizat laboratorike zbuluan se një sasi e madhe vezësh që vijnë kryesisht nga Holanda janë kontaminuar me fipronil, insekticid i ndaluar në industrinë ushqimore të BE-së. /javanews.al/ a.ç
