Policia e Vlorës ka nxjerrë nga automjeti trupat e pajetë të dy viktimave që mbetën të vrarë nga atentati në autostradën e Vlorës pranë mbikalimit të Panajasë.
Sipas policisë, viktimat janë Geno (Shpati) Lena 37 vjeç dhe Hakim Xhezo 34 vjeç. Trupat e pajetë janë dërguar në morgun e qytetit.
Viktimat udhëtonin me një automjet tip Benz kur u qëlluan me breshëri kallashnikovi nga një tjetër makinë në lëvizje.
Por kush janë dy viktimat e sotme?
Shpati Lena është një emër i njohur për drejtësinë pasi ka qenë njëri prej autorëve të dyshuar për vrasjen e biznesmenit Arben Beqiri në vitin 2019.
40 vjeçari i njohur si një prej “të fortëve” të Vlorës, u përfshi në rrahjen e Gazment Alushit në nëntor të vitit 2019, sherr që më pas solli edhe vdekjen e Arben Beqirit.
Ndërkohë Hakim Xhezo ka qenë i arrestuar më parë për trafik narkotikësh. Në vitin 2020 madje ai dhe vëllai i tij Eduart Xhezo ishin subjekte të Operacionit Forca e Ligjit sa i përket pasurive të dyshimta. Eduart Xhezo (vëllai i viktimës së sotme) është i dyshuari kryesor për ngjarjen e rëndë të ndodhur në Vlorë pasditen e 4 gushtit 2019, ku la pas një viktimë e dy te plagosur.
Vrau biznesmenin në plazhin e Vlorës për një kalë, arrestohet Eduart Xhezo
