Një operacion i policisë së Lezhës i koduar “Summer stom” (Stuhia e verës), ka sekuestruar 200 kilogramë marijuanë, 4 litër vaj hashashi dhe një pistoletë, duke vënë në pranga katër persona.
Operacioni u zhvillua pasditen e djeshme, e hënë, në aksin rrugor Fushë Krujë- Mamurras.
Të arrestuarit janë Tofik Koleci, 54 vjeç, Miri (Ardit) Koleci, 32 vjeç, Mirand Qira, 42 vjeç dhe Ndriçim Doku, 39 vjeç, banues në Krujë.
Katër të dyshuarit u kapën teksa lëviznin me makinë, pas informacioneve të siguruara nga policia.
Aktualisht vijon puna për evidentimin e personave të tjerë, të përfshirë në këtë veprimtari kriminale.
Ndaj të dyshuarve hetimet janë në vijim, ndërkohë që materialet iu referuan Prokurorisë së Lezhës për veprat penale “Prodhim dhe shitje e lëndëve narkotike” e kryer në bashkëpunim dhe “Prodhim dhe mbajtje pa leje e armëve luftarake dhe municionit”.
