Ish-këshilltari për sigurinë kombëtare i presidentit amerikan Donald Trump, Michael Flynn u deklarua fajtor sa i takon akuzave për mashtrim në dëshminë e dhënë për FBI lidhur me ndërhyrjen ruse në zgjedhjet amerikane. Flynn ka gënjyer FBI-në lidhur me hetimin e nisur për kontaktet e tij me palën ruse.
Shtëpia e Bardhë ka nxituar të distancohet nga ish-këshilltari i Trump shkruan JavaNews. Por ky i fundit ka paralajmëruar se është i gatshëm të dëshmojë kundër Trump. Kjo do të shkaktonte një furtunë të vërtetë në SHBA pasi, Trump është vënë në qendër të akuzave për lidhjet me Rusinë dhe favoret që ka pasur në garën presidenciale nga ndërhyrjet kibernetike ruse.
Sipas medias prestigjoze amerikane “ABC News”, Flynn ka premtuar se do të bashkëpunojë me drejtësinë e dhe i gatshëm të dëshmojë kundër presidentit Trump shkruan JavaNews.
Ai ka shpjeguar se urdhri për kontaktet e tij me rusët ka ardhur drejtëpërdrejtë nga Trump.
“Gabova. Shpreha fajësinë time dhe vullnetin për të bashkëpunuar me prokurorin. Pranoj përgjegjësitë e mia”, ka thënë ish-këhsilltari i Trump.
Flynn është ‘peshku më madh’ i rënë në rrjetën e investigimit të asaj që po quhet si dosja “Rusiagate” deri tani. Ai ishte këshilltari i parë për sigurinë kombëtare i Trump dhe kishte akses në të gjitha sekretet e inteligjencës amerikane dhe tashmë ai ka pranuar inkriminimin e tij. Akuza e mashtrimit të FBI nën betim, lidhet me një takim që ai ka pasur me ambasadorin rus. Ai kishte fshehur takimin me ambasadorin rus si për FBI-në ashtu edhe për zv.presidentin Pence.
/JavaNews/a.m.
