Elseid Hysaj nuk është lojtari i vetëm që do t’i japë lamtumirën Napolit.
Mbrojtësi i kombëtares shqiptare ka humbur vendin e titullarit te skuadra e Carlo Ancelottit dhe largimi shihet si zgjidhja më e mirë.
Por, Hysaj nuk është lojtari i vetëm që mund të largohet. Kriza e rezultateve ka sjellë një revoltë të vërtetë të tifozëve të Napolit, të cilët kërkojnë nga presidenca largimin e një numri të konsiderueshëm lojtarët.
Dries Mertens dhe Jose Callejon janë dy futbollistët që i skadon kontrata në fund të sezonit dhe largimi është i pashmangshëm. Inter ka shfaqur interes për belgun, teksa për spanjollin e ardhmja mendohet se është e destinuar për të qënë në Kinë.
Megjithatë, lista e gjatë e largimeve te Napoli nuk mbyllet këtu. Allan, Lorenzo Insigne, Faouzi Ghoulam dhe Kalidou Koulibaly janë me valixhe në duar, me Napolin që shpreson te oferta e duhur për të hequr dorë nga shërbimet e tyre.
Në fund është folur edhe për mbrojtësin tonë të Kombëtares, Elseid Hysajn. Sipas asaj që shkruan “Gazzetta”, edhe Elseid Hysaj, së bashku me Ghoulam janë në listën e lojtarëve që De Laurentiis kërkon të largojë në janar nga Napoli i tij.
Tashmë, pritet për të parë se çfarë do të ndodhë në janar, me mbrojtësin tonë që edhe në verë ishte pranë largimit nga “San Paulo”.
g.kosovari
