Studimi: “Universi po vdes ngadalë”
Ky është konkluzioni i një grupi shkencëtarësh që bëjnë pjesë në projektin Gama, i cili ka studiuar më shumë se 200 mijë galaktika. Sipas këtij studimi, sasia e dritës dhe rrezatimit të Universit është sa gjysma e asaj që 
emetohej dy miliard vjet më parë. Sipas shkencëtarëve “Universi duket si një plakë e ulur në cep, që ka hedhur sipër një mbulesë dhe që po merr një sy gjumë”. Një metaforë artistike, për të përshkruar gjendjen në të cilën ndodhet sot Universi.
Që masa e rrezatimit të Universit po vinte duke u ulur, për shkak të hapjes së tij me shpejtësi, kjo gjë dihej. Por ky është i pari studim që tregon me një masë të madhe të dhënash, që sasia e rrezatimit po bie me shpejtësi, duke pasqyruar në fakt edhe evolucionin e Universit drejt fatit të tij final.
