Makaronat janë ushqimi që konsiderohen si armike të dietave, për ata që duan të humbasin peshë.
Pjesa më e madhe e njerëzve mendojnë se ngrënia e makaronave do të rriste shanset për t’u shëndoshur.
Por, studimi i fundit i kryer në Itali, dëshmon tërësisht të kundërtën. Lidhja e makaronave me shtimin në peshë, është vetëm një legjendë urbane.
Në studim u përfshinë mbi 23 mijë njerëz, nga dy zona të ndryshme në Itali. Atyre u është kërkuar të mbajnë shënim çdo ushqim që do të hanë dhe më pas, studiuesit kanë bërë matjet përkatëse.
“Duke analizuar të dhënat e pjesëmarrësve në studim dhe zakonet e tyre të të ushqyerit, kemi vërejtur se konsumimi i makaronave nuk ka lidhje me shtimin e masës trupore, ndryshe nga ç’mund të mendojnë shumë njerëz. Madje, të dhënat tregojnë se personat që konsumojnë makarona, kanë tendencën të kenë ulje të indeksit të masës trupore dhe zvogëlim të perimetrit të belit”, – shpjegon George Pounis, drejtuesi i studimit.
Licia Iacoviello, e cila gjithashtu merrte pjesë në studim bën një apel për të gjithë ata persona, që eliminojnë makaronat nga dieta e tyre.
“Nëse dëshironi të humbisni peshë dhe keni hequr makaronat nga dieta juaj, po mbani qëndrim të gabuar. Makaronat e kombinuara me perime të freskëta ju bëjnë shumë mirë për shëndetin. Mos i eleminoni”, – thotë ajo.
