Në Amerikë seksi i bën keq miqësisë. Aq më keq nëse bëhet fjalë për adoleshentë. Një studim i bazuar në të dhënat e publikuara nga qendër e specializuar vihet re kjo tendencë tëk të rinjtë amerikanë.
Nëse djemtë bëhen më popullorë kur arrijnë të kryejnë një raport seksual të plotë, vajzat në të kundërtën tërhiqen në vetvete dhe humbin mikesha.
Studimi mban firmën e ekipit të Derek A. Kreager, docent i sociologjisë në Pennsylvania State University dhe ka marrë në pyetje 921 adoleshentë nga 28 qytete të ndryshme. Ata u janë përgjigjur pyetjeve të ndyshme mbi seksin, dashurinë dhe miqësinë.
Vajzat pas kryerjes së marrëdhënieve seksuale, tërhiqen nga shoqëria e hapur dhe bëhen më monogame. Kjo nuk ndodh tek djemtë që pasi thyejnë tabunë e virgjërisë marrin forca dhe hidhen në sulm për “pre të reja”.
