Kamza, Durrësi dhe Malësia e Madhe janë bashkitë në të cilat pritet të ketë incidente elektorale. Ky është përfundimi i nxjerrë nga Instituti i Studimeve politike, i cili ka publikuar një studim për njësitë administrative të cilat mund të shfaqin problematika gjatë procesit elektoral.
Sipas këtij studimi zonat në të cilat rrezikohet të ketë inciente elektorale janë për zgjedhjen e kryetarit të ri të bashkisë në Himarë, Tepelenë, Pogradec, Kavajë, Krujë, Kurbin, Lezhë, Malsi e Madhe, Fier dhe veçanërisht në Kamëz. Ata janë shënuar me koeficent mbi 6, që është një mundësi relativisht e lartë për incidente.
Vlerësimi i riskut është vlerësuar nga 1-10 pikë, që përbën riskun maksimal.
Ndërkohë nga krahu tjetër, në bashkitë e mëdha probleme pritet të shfaqen në Durrës, në Gjirokastër, Sarandë, Berat dhe Kukës, kryesisht për shkak të garës së ashpër elektorale dhe rrezikut të blerjes së votës duke financuar eksponentë në mënyrë informale.
Në përfundim të studimit theksohet se në bashkitë e Durrësit, Kamzës dhe Malësisë së Madhe ka më tepër rrezik për incidente elektorale.
Por jo vetëm kaq por probleme janë kontastuar edhe në rrethe të tjera të cilat paraqesin rrezikshmëri si në Fier, Kurbin, Krujë, Gjirokastër, Kukës, kryesisht në përpjekjet e partive për të krijuar favore elektorale ose përmes presionit ndaj kandidatëve të tretë, partive jashtë koalicionit apo vetë komuniteteve kritike lokale me partitë respektive.
Ky studim i ISP është bazuar në katër kopmponentë të cilët mund të rrezikojnë procesin zgjedhor sipas zonave përkatës:
-Cilësinë e kandidatëve
-Financimin elektoral
-Diferencën në rezultat
-Problematika lokale
