Një sjellje e gjallë ndryshon mënyrën me të cilën ne përballojmë jetën dhe kjo gjë na bën njerëz më të lumtur. Në këtë rast, inspirimi për të rigjetur kuptimin e lojës është shumë i rëndësishëm
Ato ju ndihmojnë të përfshiheni në momente të bukura, të ndiheni të lirë, të ndryshoni perspektivë, të nxisni krijimtarinë; të ndryshoni dhe rikuperoni energji. Pra lojërat mund t’ju ndihmojnë vërtet shumë! Madje edhe te të rriturit. Të luani jo vetëm në kuptimin e dedikimit ndaj një aktiviteti fizik me rregulla precize, por edhe në aspektin e prirjeve mendore, gjendjes shpirtërore.
Shiheni procesin e një loje të caktuar, si një angazhim jo të finalizuar, pa qëllim, por thjesht argëtues dhe që të fal kënaqësi; i cili nuk ezaurohet, por përkundrazi ka veti të fuqishme terapeutike.
Ndoshta ngaqë në momentin kur nuk luajmë, jemi tepër “seriozë” dhe të vërtetë, ndërsa për të luajtur duket se na duhet të justifikohemi. Luajtja e lojërave të ndryshme shpesh shihet si diçka joproduktive dhe e padobishme, që konsumon energjitë tona. Por e vërteta është ndryshe. Ja disa arsye të vlefshme, të zbuluara nga shkenca, për të luajtur më shumë.
-Disa studime kanë nxjerrë në dritë lidhjen mes përvojave të lojërave dhe jetëgjatësisë: njerëzit që luajnë më shumë, jetojnë më gjatë.
-Ekziston një lloj “privimi ndaj lojërave”. Te studimet mbi kafshët, jeta pa lojëra rezulton e zymtë, zhvillon probleme të rënda sociale në moshë të rritur dhe paaftësi çiftimi. Ndërsa kërkimet te qeniet njerëzore i identifikojnë jo “lojtarët”, tendencialisht si maniakë të punës dhe veçanërisht si të depresionuar.
-Pjesëmarrja në lojëra i lejon trurit tonë që të ushtrojë fleksibilitetin e tij për të mbajtur dhe për të rinovuar lidhjet nervore, por edhe që të përshtatet. Vetëm pak minuta lojë mund t’ju ndihmojë që të zgjidhni probleme të mëdha. Argëtimi largon tensionin dhe lehtëson lidhjet e dobishme duke ju dhënë më shumë kreativitet në punë.
-Lojërat kanë rëndësi të madhe te marrëdhëniet, sepse ato i mbajnë raportet të freskëta, emocionale, jetësore dhe rezistente. Forcojnë besimin, intimitetin, gjallërinë. Ju mësojnë se si të bashkëpunoni, si dhe konkurrencën në kuadër të përshtatshmërisë. U përgjigjen nevojës suaj primitive të përkatësisë, për të qenë së bashku, afër.
-Të luajturit ju mëson që të qëndroni me të tjerët dhe të bëheni miq. Për fëmijët, loja në grup, ajo reciproke dhe spontane, është kusht themelor për të krijuar aftësi të mira në grup (marrëdhënie) dhe për të zhvilluar ndërgjegjësimin social, bashkëpunimin dhe altruizmin. Të njëjtët mekanizma funksionojnë edhe te të rriturit. Përmes lojës, ju përmirësoni aftësinë për t’u lidhur me të tjerët.
-Produktiviteti përmirësohet edhe në agjencitë ku mund të luhet dhe argëtohet. Disa kompani – sigurisht të huaja – e kanë kuptuar tashmë sekretin që lojërat dhe argëtimi e rrisin produktivitetin, e bëjnë punën më të bukur, duke larguar stresin dhe lodhjen. Sensi i paktë i humorit dhe ironia ndihmojnë që t’u bëni ballë edhe rreziqeve, frikës, shqetësimeve të ndërfutura në disa lloje profesionesh.
-Nëpërmjet lojërave, ju mund të zbuloni diçka për veten, të çliroheni, të fitoni aftësi, të ruani kontrollin, të fantazoni dhe të gjeni zgjidhje kreative.
– Studime mbi rëndësinë e lojërave në fëmijëri dhe në moshën e rritur thonë se mungesa e kohës së argëtimit, është po aq e rëndësishme sa edhe faktorët e tjerë në parashikimin e sjelljeve kriminale, transmeton Shqip.
-Lojërat ju bëjnë mirë për shëndetin. Ju relaksojnë, argëtojnë dhe ju bëjnë të qeshni. Përfitimet edhe nga pikëpamja e aspektit fizik, janë të padiskutueshme.
-Lojërat ju lejojnë që të shkarkoni emocionet negative, pa asnjë rrezik dhe të shtendosni vetëdijen.Express
