1 në 9 meshkuj amerikanë vuajnë nga infeksionet orale, me shumë se trefishi i numrit që prek gratë. Sëmundje të tilla janë ndër më të përhapurat në grupin e sëmundjeve seksualisht të transmetueshme.
Virusi i transmetuar mund të kalojë shpesh pa implikime ose mund të përqëndrohet në fyt, gojë apo në organet gjenitale duke sjellë më pas kancerin tek individët e prekur.
Studimi i bërë në Amerikë për moshat deri në 69 vjeç, ka nxjerrë përfundimin se 11 milion meshkuj dhe 3.2 milion femra vuajnë nga semundje seksualisht të transmetueshme.
Specialistët gjithashtu njoftojnë se për parandalimin e sëmundjes ka vaksina, por pacientët refuzojnë injektimin e tyre, gjë që ka çuar në rritje të statistikave. Vaksina është e rekomanduar që tek fëmijët e moshave 12 – vjeç, para se të jenë seksulisht aktive, për të rritur tek ata imunitetin për të ardhmen.
Kanceri më i përhapur lidhur me këtë virus është ai që prek qafën dhe kokën dhe është më evident tek meshkujt sesa tek femrat. Sipas autorëve të studimit një nga arsyet që çojnë pacientët të hezitojnë për vaksinën është mospranimi i orientimit të tyre seksual, prandaj sëmundja është dhe më e pëhapur tek gjinia mashkullore.
a.ç
