Dy vite para se pandemia e koronavirusit të godiste botën, zyrtarët e ambasadës amerikane në Kinë kishin vizituar një institut kërkimi në Wuhan, duke dërguar më pas dy paralajmërime zyrtare në lidhje me sigurinë e papërshtatshme të laboratorit në Uashington.
Shkencëtarët aziatikë po kryenin “studime të rrezikshme” mbi lakuriqët e infektuar me Covid-19, shkruan Washington Post, por duke shtuar se “nuk ka asnjë provë përfundimtare të “arratisjes së virusit”nga aty.
Raporti i diplomatëve nxiti diskutimet brenda qeverisë së Shteteve të Bashkuara se një nga laboratorët e Ëuhan ishte burimi i virusit. Në Janar të vitit 2018, përfaqësuesit shkencorë të SHBA-së u dërguan disa herë në Institutin e Virologjisë Wuhan, i cili në vitin 2015 ishte bërë laboratori i parë kinez që arriti nivelin më të lartë të sigurisë ndërkombëtare në zonën “bioresearch”.
Ajo që mësuan zyrtarët amerikanë gjatë vizitave të tyre i shqetësuan aq sa paralajmëruan për dobësitë e sigurisë dhe menaxhimit brenda laboratorit të institutit dhe propozuan më shumë vëmendje dhe ndihmë.
Mesazhi i parë diplomatik gjithashtu theksoi se puna e laboratorit për lakuriqët e prekur nga koronavirusi dhe transmetimi i tyre i mundshëm tek njerëzit do të përfaqësonte rrezikun e një pandemie të re në formë Sars. Gjatë inspektimeve, diplomatët “vunë në dukje se laboratori i ri paraqet një mungesë serioze të teknikëve dhe hetuesve të trajnuar në mënyrë të duhur, të domosdoshëm për të operuar në mënyrë të sigurt”, thuhet në raportimin e 19 janarit 2018.
Studiuesite kinezë nga Instituti i Virologjisë Wuhan po merrnin ndihmë nga Laboratori Kombëtar Galveston i Degës Mjekësore të Universitetit të Teksasit dhe organizata të tjera amerikane. Sidoqoftë, autoritetet amerikane morën kërkesa për ndihmë të mëtejshme. Mesazhet diplomatike thonë se Shtetet e Bashkuara duhet të kishin siguruar mbështetje shtesë për laboratorin e Wuhan, kryesisht sepse kërkimi i tij për koronaviruset dhe lakuriqët ishte “i rëndësishëm, por edhe i rrezikshëm”. Në Nëntor 2017, pak para vizitës së zyrtarëve amerikanë, ekipi i Shi Zhengli, drejtuesi i projektit kërkimor, kishte botuar një studim “interesant”.
Studimet treguan se lakuriqët, të mbledhur nga një shpellë në provincën e Yunnan, kishin me shumë të ngjarë të ishin nga e njëjta popullatë që gjeneroi koronavirusin Sars në 2003.
“Por mbi të gjitha- thuhet në mesazhet diplomatike- “zbulimi sugjeron fuqimisht se koronaviruset mund të transmetohen te njerëzit për të shkaktuar sëmundje të ngjashme me SARS “.
g.kosovari
