Protesta e studentëve ka bërë që opozita të thyejë bojktotin.
4 deputetë të PD dhe 4 deputetë të LSI ndodhen në seancën plenare sot në Kuvend duke thyer kështu bojkotin pas 5 muajsh. Nga deputetët e PD në seancën e sotme marrin pjesë Luçiano Boçi, Valentina Duka, (dy pedagoge) Izmira Ulqinaku dhe Ervin Salianji. Ndërsa nga LSI, Floida Kërpaçi, Luan Rama, Petrit Vasili dhe Kejdi Mehmetaj.
Kejdi Mehmetaj deklaroi se u kthyem në kuvend vetëm për studentët
“Dua ta bëj të qartë se arsyeja e kthimit tonë në Kuvend janë studentët. Jemi krenar për këta të rinj. Amendimet që kemi propozuar nuk jane zgjidhja e vetme”, deklaroi Mehmetaj
Deputeti i PD, Luçiano Boçi deklaroi se PD është për abrogimin e ligjit të arsimit të lartë
“Jemi këtu për studentët pas amendamenteve të LSI. Qëndrimi jonë është i qartë. Jemi për abrogimin e ligjit të arsimit të lartë. Rama duhet të largohet. Të bëjmë një ligj të ri”, tha Boçi
Pas fjalës së Boçit që shkaktoi debate në parlament, ironizoi Ruçi
“Nga protesta shembullore e studenteve, nuk paska mësuar as pedagogu i tyre”, tha Ruçi
Shkak për thyerjen e bojkotit nga opozita u shfrytëzua protesta e studentëve dhe amendamentet e depozituara një ditë më parë nga kryetarja LSI Monika Kryemadhi
Javanews/ a.çupaj
