Prokuroria e Elbasanit ka dërguar në Gjykatë dosjen e 10 pjesëtarëve të grupit të armatosur të PD-së, që ajo e quan “Struktura për Mbrojtjen e Votës”.
Sipas akuzës fillestare, mësohet se ata do të gjykohen pr akuzën e “Heqja e paligjshme e lirisë”, e që hetimi natyrisht vijon e do të plotësohet edhe me elementet e tjera në ditët në vijim.
Megjithatë, vetë organizimi i këtij grupi të armatosur, veprimi i tyre me dashje, pra me plan, por edhe me mjete, e veprime që kanë çuar në pasoja të rënda që janë heqja e lirsë por edhe vrasja.
Pra si heqja e lirisë në këtë rast, por edhe vrasja janë pasojë, që nuk mund të hetohen pa shkeljen e rëndë fillestare të këtyre grupeve të armatosura.
Neni 234/b i Kodit Penal, i cili përcakton ligjërisht konceptin e “Bandës së Armatosur” thekson: “Krijimi, organizimi, drejtimi dhe financimi i bandës së armatosur dënohen me burgim nga dhjetë deri në pesëmbëdhjetë vjet. Pjesëmarrja në bandën e armatosur dënohet me burgim nga pesë deri në dhjetë vjet”.
Në këtë rast kemi të gjitha kushtet që jep ky nen i Kodit Penal në të gjitha zhvillimet që kanë krijuar këtë strukturë paralele, e financuar, e armatosur dhe që ka një hierarki të qartë e të plotë nga piramida në qendër.
Nga ana tjetër, organizimi dhe pasojat që ka shkaktuar kjo strukturë e armatosur, është në kushtet e një tjetri nen të rëndësishëm të Kodit Penal: përkatësisht nenit 247. i cili thekson: “Përvetësimi i një titulli apo detyre shtetërore i shoqëruar me kryerjen e veprimeve që i takojnë mbajtësit të titullit apo të detyrës, përbën kundërvajtje penale dhë dënohet me gjobë ose me burgim gjer në dy vjet. Kur vepra kryhet me qëllim fitimi apo ka prekur lirinë, dinjitetin apo të drejta të tjera themelore të shtetasit, dënohet me gjobë ose me burgim gjer në pesë vjet”.
Strukturat paralele e PD-së, me veprimet e mosveprimet e saj, ka përmbushut plotësisht kushtet e këtij neni, pasi kanë marrë përsipër të përvetësojnë kompetencat e institucioneve shtetërore si Policia e Shtetit, duke kontrolluar qytetarët, ngritur postobllok dhe hequr lirinë.
Mbajtja pa të drejtë e uniformës, e një dokumenti ose e një shenje dalluese, që tregojnë cilësinë e një punonjësi që kryen një detyrë shtetërore apo një shërbim publik, shoqëruar me veprime të paligjshme, përbën kundërvajtje penale dhe dënohet me gjobë ose me burgim gjer në dy vjet.
Nga ana tjetër, kjo strukturë paralele, ka dalë edhe me përdorim të uniformave të posaçme që kanë ngjarë me ato të policisë, si dhe kanë përdorur logo të posacme të ngjashme me tabelat “Ndalo” të policisë.
Sipas nenit 247 të Kodit Penal: “Mbajtja pa të drejtë e uniformës, e një dokumenti ose e një shenje dalluese, që tregojnë cilësinë e një punonjësi që kryen një detyrë shtetërore apo një shërbim publik, shoqëruar me veprime të paligjshme, përbën kundërvajtje penale dhe dënohet me gjobë ose me burgim gjer në dy vjet.
Kur vepra kryhet me qëllim fitimi ose ka prekur lirinë, dinjitetin apo të drejta të tjera themelore të shtetasit, dënohet me gjobë ose me burgim gjer në pesë vjet”.
Nuk ka sesi që vrasja e Pjerin Xhuvanit, dhe plagosja e tre të tjerëve, njëri prej të cilëve oficer i Policisë, të trajtohen vetëm si një akt i “heqjes së Lirisë”. Këto pasoja, që natyrisht kanë shkaqet dhe natyrisht kontekstin dhe zhvillimet e tjera. Nga rrjete e media pranë opozitës, po bëhet presion për lirimin e Paplekajt dhe oficerëve të tjerë, duke i trajtuar si individë që janë ndaluar pa ndonjë arsye, ndërkohë që veprimet e tyre plotësojnë tre nene të rëndësishme të Kodit penal të Republikës. (Tema)
/b.h
Kta te denohen si bande terroriste,vetem kshtu munde ti dilet te keqes perpara.