Mbrëmë Stresi ishte i ftuar në festën e ditëlindjes së kantautorit Kledi Bahiti, bashkë me miqtë më të mirë të tij si Flori Mumajesi, Elvana Gjata, Besa Kokedhima, Klajdi Haruni, Bruno etj. Festa e ditëlindjes u mbajt në Elbasan në një vend shumë privat, ku miqtë më të mirë të Kledit festuan bashkë me të, shkruan lajmi.net.
Mirëpo nuk shkoi çdo gjë mirë pasi pas festës duke u kthyer nga Elbasani, Stresi pësoi aksident me makinë. Burime pranë reperit thonë se ai fatmirësisht nuk ka pësuar ndonjë lëndim të rëndë dhe është shëndosh e mirë. Në fotografinë e fundit të postuar nga Stresi në Instagram, shihet se ai ka pësuar vetëm lëndime të lehta në dorë./Lajmi.net.
