Deputeti i Partisë Demokratike Gent Strazimiri ka mbrojtur deklaratën e ish-kryeminsitrit Sali Berisha i cili i ka bërë thirrje popullit të armatoset për vetëmbrojtje.
Nga foltorja e Parlamentit Strazimiri tha se duhet përgatitur një ligj që populli sipas tij të mbrohet nga qeveria e inkriminuar dhe bandat.
“Me akuzat që rëndojnë ndaj tyre, sot qeveria është në burg. Nuk ka gjë antikushtetuese. Është e drejtë e popullit të mbrohet. Nuk ka gjë më kushtetuese se ti japësh të drjetë popullit të mbrohet. Më së pari nga qeveria në këto rrethana. Sjellim ligjin tha zoti Berisha. Do ta sjellim ligjin”, tha Strazimiri.
Deputeti i PD tha se Shullazi është i lidhur drejtpërdrejte me kreun e qeverisë dhe Minsitrin e Brendshëm.
“Rasti Shullazi e ka angazhuar këtë Parlament dhe duhet ta kishte angazhuar kohë më parë. Tashi që ky zotëria, kriminel i gjithëkujt është ose i dikujt. Edhe nëse do të ishte i opozitës, çështja ëhstë: Ore ti çbën, pse nuk e kap. Kemi qenë ne që e kemi denoncuar. Asnjë fjalë këta, asnjëri”, tha më tej Strazimiri.
