Opozita ka shtuar ndjeshëm presionin ndaj Ministrisë së Brendshme dhe Policisë së Shtetit pas ngjarjeve të fundit kriminale. Por në vazhdën e akuzave, eksponentët e opozitës nuk kanë lënë mënjanë as deklarata që tejkalojnë kufirin ligjor, madje mund të përligjin edhe argumentin e ministrit të Brendshëm se opozita nxit krimin.
Deputeti Gent Strazimiri ka dhënë një intervistë për Politico.eu për situatën e rendit, ku deklaron se shqiptarët mbajnë armë për vetmbrojtje, për shkak të gjyqsorit të korruptuar.
Deri këtu Strazimiri është në një linjë me atë që bien dakord të gjithë.
Por ai shkon edhe më tej, kur i pyetur nga gazetari Jack Davies për çështjen e armëmbajtjes pa leje, deputeti demokrat thotë se nuk u vë faj qytetarëve pasi nuk kanë besim te policia.
“Sigurisht, nuk u vë dot faj (armëmbajtësve).
Si mundet një qytetar normal të ketë besim tek policia dhe gjyqësori?
Si t’i bindim se nuk u duhet arma”, thotë Strazimiri.
Deputetet e Kuvendit te Shqiperise qe kane pasion armet, apo qe i mbajne ato per arsye ende te pa deklaruara, me sa duket nuk i kane munguar legjislaturave.