Qeveria kineze nxori të enjten një plan veprimi për të promovuar në mënyrë të qëndrueshme hapjen e nivelit të lartë dhe për të bërë përpjekje më të mëdha për tërheqjen dhe shfrytëzimin e investimeve të huaja.
Sipas planit, investimet e huaja janë një forcë e rëndësishme për të ndihmuar në arritjen e modernizimit kinez dhe promovimin e lulëzimit dhe zhvillimit të përbashkët të ekonomisë kineze dhe të ekonomisë botërore.
Për të tërhequr dhe përdorur investimet e huaja në mënyrë më energjike, Kina do të krijojë një mjedis biznesi të klasit të parë të orientuar nga tregu, të bazuar mbi ligj dhe të ndërkombëtarizuar, që do të rrisë besimin e investitorëve të huaj për zhvillimin e biznesit në Kinë.
Konkretisht, plani i veprimit propozon 24 masa në pesë aspekte, duke përfshirë zgjerimin e aksesit në treg, rritjen e tërheqjes për investimet e huaja, nxitjen e barazisë së konkurrimit, lehtësimin e rrjedhës së faktorëve të inovacionit, si dhe përafrimin më të mirë të rregullave vendase me ato të standardeve të larta ekonomiko-tregtare ndërkombëtare.
Kina do të shkurtojë më tej listën e tij negative për investimet e huaja dhe do të nisë programe pilot për të lehtësuar pragjet e hyrjes së huaj në inovacionin shkencor dhe teknologjik.Përpjekjet do të fokusohen në zgjerimin e aksesit të institucioneve të huaja financiare në sektorët bankar dhe të sigurimeve dhe zgjerimin e fushës së biznesit të institucioneve të huaja financiare që marrin pjesë në tregun kinez të bonove, sipas planit.
Do të merren edhe masa për të lehtësuar shkëmbimet ndërkombëtare të personelit dhe për të përmirësuar menaxhimin e lejeve të punës dhe qëndrimit për shtetasit e huaj.
Në të njëjtën ditë, presidenti kinez Xi Jinping theksoi më shumë përpjekje për të promovuar hapjen me standarde më të larta dhe zhvillimin e forcave të reja prodhuese cilësore gjatë vizitës së tij në kompaninë e Materialeve të Baterive “BASF Shanshan”, në provincën Hu’nan, shkruan CMG
“BASF Shanshan” është një ndërmarrje e përbashkët e krijuar nga kompania gjermane BASF dhe kompania kineze “Shanshan” në vitin 2021. Ajo është një furnizuese kryesore globale e materialeve të baterive të litiumit dhe produktet e saj përdoren gjerësisht në fushat e teknologjisë së lartë, duke përfshirë automjetet elektrike dhe centralet e rezervimit të energjisë në shkallë të gjerë.
Ky partneritet u ka mundësuar “Shanshan”-it dhe “BASF”-it të ndërthurin pikat e tyre të forta, duke përfshirë përvojën e gjerë të “Shanshan”-it në lëvizshmërinë elektronike dhe në tregun e pajisjeve elektronike të konsumit si prodhuese kryesore e materialeve katodike në Kinë, dhe aftësitë e forta të teknologjisë dhe zhvillimit, shtrirjen globale dhe partneritetet strategjike për furnizimin e lëndëve të para të “BASF”-it.
Zgjerimi i hapjes me standarde të larta është vendosur nga qeveria kineze si një përparësi e punës ekonomike në vitin 2024, dhe kjo u theksua në raportin e punës së qeverisë për këtë vit.
