Zëvendëskryeministri i Kosovës Branimir Stojanoviç dhe ministrat serbë në Qeverinë Mustafa, Dalibor Jevtiç dhe Lubomir Mariç, i kanë bërë shoqëri drejtorit të së ashtuquajturës zyrë për Kosovën në Qeverinë e Serbisë Marko Gjuriç.
Ky i fundit i ka njoftuar zyrtarë të BE-së për “plaçkitjen që Kosova po tenton t’ia bëjë popullit serb”, transmeton Koha.net.
Zyrtarët serbë të Qeverisë së Kosovës kanë marrë pjesë në një konferencë shtypi të cilën Marko Gjuriç i e ka mbajtur në Bruksel, për,siç njofton gazeta e Beogradit “Blic” t’i njoftuar zyrtarët evropianë rreth Trepçës.
Burime të kësaj gazete thonë se kjo konferencë u mbajt në vazhdën e ofensivës diplomatike të Serbisë “për ta ruajtur pasurinë e saj në Kosovë dhe kjo nuk ka lidhje me dialogun Beograd – Prishtinë”. (b.an)
