Steve Jobs, ja i biri i kujt ishte njeriu që na ndryshoi jetën
‘Europa vulgare, që ngre mure dhe rri indiferente përballë atyre që u është dashur të marrin arratinë nga shtëpitë për shkak të luftës, nuk meriton progres’.
Na e kujton ‘Huffington Post’, dhe bën mirë: nëse në Hungari, kryeministri Orban me retorikën e tij ksenofobe dhe islamofobe, bëri gjithçka për të mos i dhënë as mikpritjen më minimale mijëra refugjatëve që vinin nga Lindja e Mesme, edhe në Gjermani apo Greqi janë shënuar episode të mungesës së tolerancës nga grupe të djathta ekstremiste.
E megjithatë, sot më 2015, shumë nga ne i detyrohen pikërisht fëmijës së një emigranti sirian, që ka ndryshuar jetën e njerëzve të kohës sonë; Steve Jobs babai i ‘Apple’ dhe ‘iPhone’ ishte në fakt djali i Abdulfattah Jandali, një student i ri sirian, i cili duke qenë disident i regjimit, ishte larguar nga shtëpia e tij në Homs për të kërkuar azil politik në SHBA.
Këtu njohu një vajzë katolike me origjinë gjermane, Joanne Schieble me të cilën ra në dashuri. Por familja e vajzës e refuzonte në mënyrë kategorike lidhjen me një burrë mysliman, dhe bëri gjithçka që çifti i të rinjve të ndaheshin.
Kur e reja mbeti shtatzënë me Jandali, familja e detyroi të ndërpriste menjëherë lidhjen me të riun sirian dhe ta jepte fëmijën për adoptim… Pjesa tjetër është histori, madje legjendë.
