Në mes të inkursionit në rajonin Kursk të Rusisë, Brigada e 41-të e mekanizuar e Ukrainës mbajti stërvitje me zjarr të vërtetë. Duke mos zbuluar vendndodhjen e stërvitjeve për arsye sigurie, zëvendëskomandanti i brigadës tha se Ukraina po shkruante historinë ushtarake në luftën e saj kundër Rusisë.
“Forcat e Armatosura të Ukrainës po demonstrojnë tani se si do të duket lufta në të ardhmen. Ne po shkruajmë historinë pikërisht në këtë moment. Ne po i tregojmë të gjithë botës se si të luftojë një luftë në shekullin 21-të”.
Viktori, një prej ushtarëve të kësaj stërvitje me armatim të vërtetë, pohon diferencën e e luftës në territorin armik dhe se cila do të ishte një fitore e vërtetë.
“Sigurisht që është më mirë kur luftojmë në territorin e tyre. Do të ishte më mirë nëse ata nuk do të ishin fare në territorin tonë, kjo është ajo që unë do ta quaja fitore për ne”.
Ukraina filloi sulmin më të madh të Rusisë që nga Lufta e Dytë Botërore më 6 gusht, duke pushtuar kufirin perëndimor dhe duke pushtuar më shumë se 80 vendbanime. Por Moska ka gati superarmën me energji bërthamore e cila qëndron si një kërcënim real për Shtetet e Bashkuara. Sipas shtypit rus, raketa ka një shpejtësi prej900 kilometra në orë.
Ditët e fundit, satelitët perëndimorë kanë fotografuar aktivitet intensiv në vargmalin që ndodhet në një arkipelag pranë Arktikut. Analistët besojnë se kriza aktuale në Kursk shihet si një humbje besueshmërie tek Putin, çka do ta shtynte këtë të fundit drejt zbatimit të një plani ekstrem.
/a.r
