Tema të ndryshme debati jane ezauruar ne mbledhjen e grupit parlamentar socialist, ku nje nder to ishte edhe shqetesimi i deputetit, Paulin Sterkaj per gjobat e makinave.
Deputeti kërkon një vend parkim për makinën me qëllim që të mos bëhen shkelës të ligjit duke përfunduar më pas dhe në gjobitje.
Për replikë Rama tha se ishte i pari që do të ndërmerrte inisiativën për të shkuar në parlament në këmbë, ndërsa Balla tha se e kishte zgjidhur dhe parkimi do të bëhej në një parking pivat.
Sterkaj: Shkojmë në parlament në seancë, dalim jashtë gjejmë gjobën. A ka mundësi të dalë dikush që të na gjejë parking e paguajmë edhe vetë. Kemi parë ne që ministra kryetar komisionesh i parkojnë makinat brenda., ne të tjerët le të marrim gjoba.
Rama: Ky është ndërhyrje me vend, Paulin hajde të shkojmë në seancë të dy. Unë nga kryeministria, të dy bëjmë edhe muhabet rrugës edhe si sportistë na bën mirë ecja në këmbë. Përsa kohë nuk ka mundësi parkimi për të gjithë ,për aq kohë gjobat janë njësoj për të gjithë si deputet dhe qytetarë.
E kam shumë seriozisht ne do ta bëjmë të gjithë në këmbë nëse nuk është ndonjë distance e gjatë kush e di. Dhe unë iu sigurojë që do të jem mi pari për të marrë flamur dhe për të çarë rrugën e Parlamentit…
Bala: Eshtë diçka që unë e kam diskutuar edhe në çështje organizative dhe e kam zgjidhur për të gjithë ju. Me mbështetjen e kryetarit të bashkisë së Tiranës për çdo deputet që ka nevojë do të parkojë në një parking privat ngjitur me parlamentin dhe më pas me punën që po bën bashkia është planifikuar që vitin tjetër te xhamia e Namazgjasë do të ketë vend parkimi edhe për ju. Edhe për demokratët që e kanë marrë SHQUP-in falas dhe e kanë parkingun qyq, edhe për ata kemi gjetur të njëjtën zgjidhje.
Ndërkohë që sot Ilir Xhakolli, deputet në zonën e Pogradecit feston sot 55 vjetorin,. Mesazhin e urimit e ka marrë nga vetë kreu u grupit parlamentar, i cili në mbyllje të mbledhjes së grupit ka uruar kolegun për këtë festë.
a.ç
