Ministri i Jashtëm gjerman ka dalë nga rreshti i aleatëve të NATO-s, duke kritikuar haptazi aleancën se po nxit konfliktin me Rusinë.
Frank Walter Steinmeier i përshkroi manovrat e fundit ushtarake të NATO-s në Poloni dhe Baltik si luftënxitëse.
“Gjëja e vetme që nuk duhet të bënim është t’i hidhnim benzinë zjarrit duke nxitur një luftë”, deklaroi ministri gjerman gjatë një interviste për numrin e sotëm të gazetës gjermane “Bild am Sonntag”.
“Kushdo që mendon se një paradë simbolike me tanke në kufijtë lindorë të aleancës do të sjellë siguri, e ka shumë gabim. Do ishim mirë që të mos gjenim një pretekst të ri për të rindezur një përplasje të vjetër”, tha Steinmeier.
