Stefi Prifti ka kujtuar ne menyre mjaft origjinale bashkëshorten e tij te ndare tashme nga jeta ne diten e saj te lindjes. Ai nëpërmjet një postimi në FB ka zbuluar detaje nga krijimi i këngës tashmë hit “U dogja mrekullisht” të kënduar prej tij, vëllait Endri dhe Renis Gjokës. “Këtë këngë e kam shkruar kur isha student, i dashuruar me Marinën, më pas gruaja dhe nëna e vajzave të mia. Tekstin ma sugjeroi Ajo dhe një çift poetësh të talentuar, shokë të klasës së Saj. Më mbas edhe miq të mi. Ne, nuk mund ta shkruajmë dot tekstin e kësaj melodie! Majakovsi më thanë”, rrëfen Stefi. Sipas tij, u deshën vite të përfundohej kënga, për shkak të largimit në Greqi, që shtyu shumë projekte, por që në fund u realizua. “Gjysma e refrenit është shkruar totalisht nga Marina, po ashtu edhe vargje të tjera në tekst. Më vonë u orkestrua me mjeshtëri të rralë nga shoku im Shpëtim Saraçi dhe u interpretua natyrisht nga unë, Endri Prifti dhe Renis Gjoka”, rrëfen Stefi. Ai nënvizon se po i tregon këto detaje së pari për ata që e duan këtë këngë dhe ju pëlqen informacioni dhe nga ana tjetër i thotë pikërisht sot këto fjalë pasi është dita e saj e lindjes, e Marinës me 14 prill.
(javanews.al)
