Lajmi për arrestimin e vëllait të ish-ministrit demokrat Enkelejd Alibeaj nga autoritetet gjermane pranohet edhe nga deputeti i kësaj force Gent Strazimiri. I ftuar në emisionin “Fakt” të Çim Pekës, Strazimiri tha se lajmi mund të jetë i vërtetë pasi nëse do ishte sajesë mund ta kishin bërë për dikë tjetër.
Ja deklarata e Strazimirit:
“Unë jam i bindur se kjo nuk është një sajesë, në një mënyrë ose në një tjetër ka pasur një interesim të gjermanëve me një person me këtë emër e të tjera me radhë. Brenda 20 minutash Ministri ka dalë, në fund të fundit kush është vëllai i Enkeled Alibeajt, askushi.
Mbase jo, në një mënyrë ose në një tjetër sepse mund të kishin kapur Gent Strazimirin, kanë kapur Çim Pekën ka thënë jam Gent Strazimiri, në një mënyrë ose në një tjetër Genti mund të ketë qenë duke pirë kafe, por është i implikuar tek gjëja. Në një farë mënyre nuk është fare sajesë, pot ë kishte qenë sajesë do ta kishin bërë për dikë tjetër, në kuptimin e implikimit të emrit jo të gjësë, zotëria doli dhe e sqaroi vetë. Problemi është se çfarë është ky reagim me kronometër, brenda 20 minutave dhe shpërndahet menjëherë në media, ndërkohë fle kur ke një deputet në parlament që akuzohet për vrasje, për trafik droge është i kërkuar me të paktën 5 identitete, akoma sot nuk flet njeri, ky është morali i kësaj mazhorance, ky është edhe morali i kësaj mediaje që në rastin më të mirë bën indiferentin, ky është morali dhe i kësaj media që kërkon të bëjë konspiracion për opozitën”, tha Strazimiri.
