Presidenti i Republikës, Ilir Meta ka komentuar zgjedhjen e Arta Markut në krye të Prokurorisë dhe shpalljen e ish kryeprokurorit Adriatik Llalla person non grata nga SHBA. I ftuar në emisionin ‘Studio e Hapur’ të gazetares Eni Vasili në News24, Meta tha se nuk preferon të komentojë vendimet e SHBA dhe Llalla nuk ka qenë i përzgjedhur nga LSI ashtu siç aludohet. Presidenti shpreh se nuk ka pasur informacione për raste korrupsione apo shkelje ligji nga ana e Llallës, në kohën kur ai ishte ne kryetar Kuvendi.
Pjesë nga Intervista:
A keni besim tek Arta Marku?
Unë kam dhe skam besim tek asnjeri. Në kuptimin që unë nuk besoj tek njerëzit, por tek sistemi. Nëse prokuroria do funksionojë në mënyrë korrekte atëherë mendoj se nuk kam pse të kem paragjykime.
Llalla ju ka zhgënjyer, pasi disa pretendojnë për një lidhje mes jush dhe Llallës?
Unë nuk e ul nivelin dhe tju përgjigjem disa analistëve që dalin nëpër studio dhe përsërisin mesazhe të porositura. Asnjëherë, jo vetëm Llalla, por edhe të tjerë nuk kanë qene të propozuar nga LSI.
Keni ndonjë koment për faktin se Llalla është shpallur ‘non grata’ nga SHBA?
Nuk kam asnjë arsye që të bëj komente për vendimet që merr SHBA, pasi është e drejtë e tyre që të marrin këtë vendim, jo vetëm për Llallën, por për këdo. Unë s’kam pasur informacione për raste korrupsioni apo shkelje ligji kur kam qenë kreu i Kuvendit.
Ish-kryeprokurori thotë se Lu ka dërguar informacione të rreme në DASH?
Nuk merrem unë me këtë çështje, por mendoj se SHBA është shtet serioz dhe në çdo rast merr vendimet e duhura dhe di të pozicionet si duhet. Ne kemi pasur një rast kur u hodh shorti për KLD dhe prokuroria kishte detyrën për të bërë propozimet dhe ka pasur një shqetësim nga partnerët që Prokuroria kishte cenuar mundësine për të pasur më shumë kandidatë në KLD.
(Balkanweb)
