Aleanca për Ardhmërinë e Kosovës dhe NISMA për Kosovën po mbajnë në Prishtinë protestën e radhës kundër qeverisë. Mijëra mbështetës të këtyre forcave opozitare janë grumbulluar në sheshin “Skënderbeu” në Prishtinë me thirrje për largimin e qeverisë.
Kryetari i Këshillit Kombëtar të Nismës për Kosovën, Jakup Krasniqi, ka hapur protestën opozitare.
Në fjalimin e tij, ai ka përmendur arsyet për të protestuar, por ka përmendur edhe sukseset e Kosovës të kohëve të fundit, siç janë rekomandimi për liberalizim të vizave, pranimin në UEFA dhe FIFA.
Por, ka thënë se kryeministri Isa Mustafa dhe presidenti Hashim Thaçi, janë e keqja e Kosovës, dhe duhet të dorëhiqen dhe vendi të shkojë në zgjedhje.
“Këta qeveritarë, vendit i kanë bërë dëme të pariparueshme në të gjitha sferat e jetës. Vetëm qytetarët e Kosovës, në zgjedhjet e parakohshme mund të ja rikthejnë legjitimitetin Kosovën”, ka theksuar Krasniqi, raporton Koha.net.
“Mirupafshim në zgjedhjet e parakohshme, të lira e demokratike”, përfundoi ai./a.m.
