Policia e Gjirokastrës dhe ajo e tepelenës kanë finalizuar operacionin e koduar “Start” në kuadër të të cilit janë sekuestruar 23 kg kanabis. Policia ka arrestuar një 54-vjeçar dhe ka shpallur në kërkim djalin e tij.
Operacion i zhvilluar nga Seksioni Kundër Narkotikëve në Drejtorinë Vendore të Policisë Gjirokastër në bashkëpunim me Komisariatin e Policisë Tepelenë.
Arrestohet në flagrancë shtetasi :
Ivzi Sada, 54 vjeç, banues në Tepelenë.
Si dhe është bërë shpallja në kërkim e shtetasit E.S, 21vjeç banues në Tepelenë, pasi :
Në bazë të informacioneve të marra në rrugë operative se shtetasit e mësipërm posedonin një sasi lënde narkotike, të cilën e kishin fshehur në banesën e shtetases D.I në qytetin e Tepelenës, nga ana e shërbimeve të policisë është ushtruar kontroll në këtë banesë dhe në kasollen e kësaj banese janë gjetur 5(pesë) thasë plasamasi, ku brenda tyre kishte lëndë të dyshuar narkotike të llojit Cannabis Sattiva, me peshë totale rreth 23 kg.
Në momentin e kontrollit, shtetasi Izvi Sada ka kundërshtuar punonjësit e policisë duke goditur me grusht njërin prej tyre.
Po kështu në bazë të veprimeve hetimore të kryera filloi procedimi penal në gjendje të lirë për shtetaset D.I dhe F.S.
Materialet i kaluan Prokurorisë Pranë Gjykatës së Shkallës së Parë Gjirokastër për hetim të mëtejshëm në ngarkim të shtetasve të lartpërmedur./a.m.
