Në një ditë me diell kur njerëzit qëndronin në shtëpi nga frika e pandemisë, një burrë 68-vjeçar, një ‘princ’ në pritje, doli nga hija e babait të tij të ndjerë dhe marshoi drejt fitores. Muthuvel Karunanidhi Stalin u kurorëzua.
Aleanca Progresive Sekulare fitoi zgjedhjet në shtetin kyç të Indisë, Tamil Nadu, duke marrë 158 vende në asamblenë nga 234 gjithsej. Partia gjithashtu, bëri histori pasi nuk kishte fituar më shumë se 100 vende në sondazhet e asamblesë për gati 25 vjet.
Muthuvel Karunanidhi Stalin lindi më 1 mars 1953, nga një baba me një karrierë të gjatë politike. Ai lindi katër ditë pas vdekjes së udhëheqësit komunist rus Joseph Stalin. Ai qëndroi në hijen e babait të tij deri në gusht 2018, kur Karunanidhi vdiq në moshën 94 vjeçare. Në të vërtetë, edhe në zgjedhjet e vitit 2016, Karunanidhi ishte kandidati kryesor ministror i DNK.
Rrugëtimi politik i Stalinit filloi kur ai ishte 13 vjeç kur ndihmoi në organizimin e funksioneve të partisë. Në fillim të të 20-ave, ai u arrestua. Stalini përfundoi një diplomë bachelor në shkenca politike në Kolegjin e Presidencës në Chennai dhe raportet thonë se ai i kreu provimet e tij nga burgu.
Në vitin 1980, ai formoi krahun rinor të DMK-së kur ishte 27 vjeç. Ai u bë sekretar në 1983 dhe mbajti pozicionin deri në vitin 2017; tani i është kaluar djalit të tij Udhayanidhi Stalin, aktor dhe producent i njohur. Stalini ishte në ballë të disa protestave të DMK-së.
/a.r
