I pranishëm në ambientet e mbetura të stadiumit Qemal Stafa, Kryeministri Edi Rama tha se fasada e stadiumit të vjetër do të ruhet dhe do të jetë pjesë integrale e Arenës Kombëtare. Kreu i qeverisë shtoi se stadiumi, nga një qendër biznesi mesjetare, ku kishin mbizotëruar prej dekadash lavazhet e gjithfarësoj mbeturinash, do të kthehet në një pikë kyçe të kryeqytetit. Arena Kombëtare, shtoi Kryeministri, është njëri ndër investimet që tregojnë se partneriteti publik privat, është rruga e duhur për të sjellë investime të rëndësishme.
“Stadiumi i Bozzios nuk është ky që kemi ne dhe qysh pasi ndaluan punimet për ndërtimin e tij në vitin 1943. Deri në ditët tona stadium ka pësuar një metamorfozë. I vetmi element që I ka shpëtuar është pikërisht kjo pjesëz ballore, ku përsëri ka patur ndërhyrje deformuese që fatmirësisht mund të eliminohen tani. Me këtë ndërhyrje restauruese dhe me ndihmën e këtij ekipi fiorentinësh e restauratorësh, ne do të kemi në fakt projektin që ka patur Gerardo Bozzio.
Jam shumë dakort edhe me sugjerimin e bërë nga arkitekti, është në fakt një nga ato gabimet e së shkuarës që nuk riparohen dhe i takon KKR të marri një vendim që sipas kushteve dhe mundësisë mund të ndërhyjë edhe në rikthimin në identet të pjesës jugore të sheshit i cili tashmë sot është zënë nga një objekt i papërshtatshëm për sheshin.
Hymë në listën e zexzë të UEFA me këtë stadium por fatmirësisht ne ja dolën në bashkëpunim me Federatën dhe Presidentin, që të adoptojmë stadiumin e Elbasanit. Por nuk është vetëm kjo por edhe se çfarë do të fitojë qyteti me këtë stadium të ri. Do jenë 4 hapësira tëq reja. Në dy anët e stadiumit, aty ku janë tribunat dhe një rrugë qorre, do të jenë dy sheshe të reja publike. Përvec kësaj stadium nga një qendër biznesi mesjetare, do të kthehet në një qendër publike dhe private e një jete që do të vazhdojë 7 ditë e 7 netë.
Atyre që u hodhën përpjetë se ne do ta kthenim në një qendër biznesi u them se kjo ka qenë faktikisht një qendër biznesi, por mesjetare, me lavazhe e garazhe e gjithfarë sojesh.
Të gjithë e pamë europianin, por unë pash dhe një gjë tjetër, sesi janë rindërtuar stadiumet e Francës, sesi janë transformuar stadiumet ku luajti kombëtarja, sesi ishin dhe sesi janë bërë para Europianit, kjo falë partneritetit publik privat.
Sot ne nuk nxjerrim asnjë kokërr leku nga buzheti i shtetit. Ndërkohë Federata fut paratë e Federatës, që është rreth 1/6 e stadiumit, ndërkohë që investitori privat, që gjej rastin ta falenderoj, kompania Alstars, sigurisht që do të ketë edhe pjesën e vet të përfitimit nga ky investim.- tha Rama./java/a.k
