Sqetulla në mikrovalë, receta e fundit e depilimit
Rritja e qimeve të sqetullave mund të jetë kthyer në temë dite për feministet, ose është thjesht një vendim personal i disa grave, por kjo nuk ka ulur ritmet e teknologjisë për të krijuar një pajisje që i heq qimet një herë e përgjithmonë. Dhe është një metodë shumë hot.
Kompania e pajisjeve mjekësore Miramar Labs sapo ka nxjerrë MiraSmooth, një trajtim të ri që redukton në mënyrë permanente rritjen e qimeve të sqetullave, pavarësisht ngjyrës së lëkurës ose qimeve dhe bombardon gjendrat e djersës me mikrovalë shumë precise që emetohen nga një pistoletë me lazer.
Janë të njëjtat mikrovalë që ngrohën ushqimin që kishe porositur për darkë, por shumë më të sigurta. “Është e njëjta gjatësi vale, por mënyra e përhapjes, thellësia e penetrimit dhe siguria janë krejt të ndryshme”, shpjegon Dr. Snehal P. Amin, kirurg dermatolog. Aparatura nxeh shtresat nën lëkurë, ku ndodhen rrënjët e qimeve dhe gjendrat e djersës duke mbrojtur lëkurën në sipërfaqe, thotë Dr. Amin.
Çdo gjë që nxehet shumë, shaktërrohet. Është e vetmja pajisje e këtij lloji e aprovuar nga Administrata e Ushqimit dhe Barnave në SHBA dhe kompania ka raportuar që deri tani janë bërë mbi 40,000 trajtime që do të thotë që firmat e shkumave dhe brisqeve duhet të parashikojnë një ulje shitjesh në të ardhmen.
Po a është i sigurt? Megjithëse trajtimi që mund të kushtojë disa mijëra dollarë, është i ridhe eksperimental, mjeku beson që është, sepse aparatura të ngjashme janë përdorur për vite me radhë për të zgjidhur problemet e djersitjes së tepërt. E vetmja gjë që duhet menduar është dhembja e lehtë deri te e durueshme, për të cilën duhet të përdoret një krem përpara trajtimit dhe freskohet lëkura. Një përdoruese në Instagram, që kishte postuar një foto duke bërë këtë trajtim thoshte “procedura nuk dhembte, por pas pak ditësh kisha dhembje.”
