Ministrja franceze e Mbrojtjes Florence Parly tha se një oficer i lartë ushtarak francez ishte nën hetim për një “shkelje serioze të sigurisë”.
Radio Evropa 1 raporton se oficeri, i cili ishte vendosur në një bazë të NATO-s në Itali, dyshohet për spiunazh, pasi ka të dhëna se u transmetoi informacione “jashtëzakonisht të ndjeshme” shërbimeve sekrete ruse.
Ministrja i tha kësaj radioje se procedurat ligjore ishin nisur dhe se ushtria franceze kishte marrë të gjitha “masat e nevojshme të mbrojtjes” pas incidentit.
Asnjë identitet nuk u zbulua
Ministria franceze e Mbrojtjes nuk zbuloi identitetin e oficerit dhe nuk ka komente as nga NATO as nga zyra e prokurorit të shtetit në Paris, e cila po udhëheq çështjen.
Oficeri u arrestua dhjetë ditë më parë ndërsa po përgatitej të kthehej në Itali, pas një pushimi të kaluar në Francë.
g.kosovari
