Fshati olimpik i “Rio 2016” ka mirëpritur delegacionet e para, ndërsa zyrtarisht është hapur të dielën. Fshati olimpik i “Rio 2016” ka mirëpritur delegacionet e para, ndërsa zyrtarisht është hapur të dielën, shkruan Koha Ditore.
Dhe për të mirëpritur mysafirët-sportistë aty ka qenë një olimpiste braziliane. Legjenda e basketbollit dhe “kryebashkiakja” e fshatit, Janeth Arcain, ka përjetuar katër fshatra të sportistëve dhe ka fituar medaljen e argjendtë në “Atlanta 1996” dhe të bronztën në “Sydney 2000”.
“Ka qenë nder i madh kur presidenti i ‘Rio 2016’, Carlos Nuzman, më ftoi për të qenë kryebashkiake e fshatit. Ishte sikur fitova një medalje tjetër, një medalje të artë, për të përfaqësuar gjithë sportistët tanë dhe brazilianët.
Kur arrita për herë të parë në fshatin olimpik këtu, më bëri të më mungonte loja e basketbollit sikur kur isha e re, vërtet do të doja të garoja për vendin tim dhe të qëndroja në një fshat si ky”, thotë Janeth. (b.an)
