Sporting dëshiron që Ronaldo të mbyll karrierën në Portugali. Presidenti i Sporting Lisbon, Bruno de Carvalho ka thënë se dëshiron që Cristiano Ronaldo të kthehet dhe të mbyll karrierën në skuadrën e tij.
Ai tha se Ronaldo tashmë ka dhënë shumë për Sportingun, por do të dëshironte që ai të kthehej sikurse edhe Nani.
“Do të doja shumë që të ktheja Ronaldon. Ne jemi duke bërë përpjekje të mëdha që lojtarët të kthehen, ashtu sikurse bëmë edhe me Nanin”, tha Carvalho për Marca.
“Do të doja shumë që Ronaldo të mbyllte karrierën në shtëpinë e tij. Ai tashmë na ka dhënë shumë, por do të ishte shumë mirë që ai të përfundonte me skuadrën tonë.
Ai është një ambasador në botë dhe gjithmonë flet me dashuri për ne”.
Ronaldo këtë mërkurë do të luaj kundër Sportingut, kur në Santiago Bernabeu do të pres në kuadër të Ligës së Kampionëve, citon “Express”. (b.an)
