Shahu iu shtua këtë vit Programit Kombëtar “Sporti në Shkollë” dhe hapat e parë janë tejet inkurajues, për nga interesi e talenti i nxënësve. Lajmin e konfirmon kryeministri Edi Rama, i cili ndau në rrjete sociale pamje nga atmosfera e finales së kampionatit kombëtar të kombëtar të edicionit të katërt të programit “Ekipe Sportive në Shkolla”, që këtë vit mblodhi mbi 10 mijë nxënës nga e gjithë vendi.
Ky event përbëu përfshirjen për herë të parë të shahut si disiplinë sportive në një kampionat kombëtar, ku garës iu bashkuan edhe 650 shahistë të vegjël.
Eventi vjen një vit pasi sporti i mendjes dhe durimit iu shtua programit shkollor të sportit me një vendim të qeverisë të publikuar me 23 korrik.
