Mbledhja e Komisionit të Ligjeve zgjati vetëm pak minuta, paraditen e kësaj të mërkure. Ndërkohë, Klotilda Bushka lajmëroi se do të ketë një njoftim tjetër për të zhvilluar mbledhjen e radhës, deputetët duket se nuk po kishin dëshirë të dilnin nga salla, teksa temperaturat jashtë janë me minus.
Besian Ajazi nga Partia Socialiste deklaroi se nuk donte që të çohej nga karrigia pasi brenda sallës ishte ngrohtë. Deklarata e tij solli të qeshura tek deputetët, të cilët u ngritën për të dalë.
Klotilda Bushka: Për mbledhjen tjetër do të njoftojmë
Besian Ajazi: S’po na u ngrihet…qenka shumë ngrohtë këtu.
Kjo deklaratë u prit me të qeshura nga të pranishmit, që tashmë kishin lënë karriget e tyre. Ai që e priti me shumë gaz këtë fjali ishte kolegu i tij, Saimir Hasalla, e qeshura e të cilit dëgjohet më së shumtii.
Ndërkohë, që dhe një ditë më parë deputetët ndjenë në godinën e Kryesisë së Kuvendi të ftohtin e acartë. Ishin Saimir Korreshi dhe Dashnor Sula që ndërkohë që zhvillohej mbledhja e komisionit u ngritën të ngroheshin pranë kaldajave në anë të murit.
g.kosovari
