Pas një operacioni njëvjeçar nga agjentët e fshehtë të FBI-së, një çift në Marilend të Shteteve të Bashkuara të Amerikës është arrestuar për përpjekjen për të shitur sekretet bërthamore amerikane në një vend tjetër në këmbim të kriptomonedhës.
Inxhinieri bërthamor i Marinës amerikane Jonathan Toebbe, i cili mban një certifikatë sekrete sigurie dhe gruaja e tij Diana u arrestuan të Shtunën në Virxhinia Perëndimore nga FBI dhe Shërbimi Hetimor Penal Detar pasi dyshja shitën informacione në lidhje me projektimin e anijeve luftarake amerikane me energji bërthamore për një person që ata besonin se ishte një përfaqësues i një fuqie të huaj, por në fakt ishte një agjent i fshehtë i FBI -së, “sipas një deklarate të Departamentit të Drejtësisë.
Washington Post së pari raportoi për komplotin e dyshuar të spiunazhit.
Departamenti i Drejtësisë tha se Toebbe kishte qasje në informacion mbi shtytjen bërthamore detare dhe elementët e ndjeshëm të projektimit ushtarak duke përfshirë “parametrat e funksionimit dhe karakteristikat e performancës së reaktorëve për anijet luftarake me energji bërthamore”.
