Ministrja Elisa Spiropali ka reaguar pas të dhënave të publikuara këtë të hënë nga hakerat. Sipas disa mediave, Spiropali ishte në sistemin MEMEX të Policisë së Shtetit, pra si person i skeduar/dyshuar, por arsye nuk kishte.
Spiropali thotë se ajo nuk ka asnjë lidhje me ato të dhëna dhe se databaza e publikuar nga hakerat nuk ka lidhje me sistemin MEMEX, referuar dhe përgënjeshtrimit të Policisë së Shtetit.
Reagimi i Spiropalit:
S’ka më jo turp, po as një minimum sensi logjik të kanaleve e të portaleve në raport me publikun, se për ndonjë ndjenjë minimale patriotizmi as bëhet fjalë!
Hakerat e një vendi armiqësor me Shqipërinë postojnë lista me emra pa lidhje dhe këtu hidhen gjylet e akuzave absurde!
Thotë Saliu lista Memex, vu portalet lista Memex. Përgënjeshtroi Policia nuk është lista Memex, por lajmet e portaleve mbetën.
Shkurt, e hodhën ata një gur në lumë dhe tani o burra të gjejmë ç’lidhje ka Elisa, Niko, Mimi e të tjerë apo edhe disa gazetarë në listën e të dyshuarve të Policisë!
Kanë vetëm një lidhje: Lidhjen mes keqdashësisë së atyre që e hedhin gurin dhe ligësisë së atyre që gjoja s’e nxjerrin dot! Qesharake!
