Zëdhënësja e Qeverisë, Elisa Spiropali deklaroi në emisionin ‘Open’ se procesi për 30 qershorin u zhvillua në një klimë problematike për shkak se opozita u përpoq të helmonte zgjedhjet.
“Ne i kemi bërë një mbrojtje sistemit”, tha Spiropali duke mohuar që opozita të ketë arritur fitore me pjesëmarrjen e ulët në votime.
“U përpoqën të rrëzonin Ramën, por nuk ia arritën dhe çfarë nuk të vret, të bën më të fortë, thotë Niçja”, u shpreh Spiropali.
Sipas Spiropalit, zgjedhjet treguan se opozita mori një humbje të madhe dhe tani do të nisë një llogari në PD, ku do t’i kërkohet Lulzim Bashës llogari për djegien e mandateve.
